Sharing Faithful and Diligent Meditation has Paid Dividends — Neighbors Changing to Cultivating Crops and Family Members Becoming Vegetarian

Вьетнам буюу Ау Лакаас Хан Ан-ын аулак (вьетнам) хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хамгаас Хүчирхэг Гурав, Хүндэт Их Багш болон Суприм Мастер телевизийн багт гүн хүндэтгэлтэйгээр мэхийж байна. 1985 онд төрсөн хүү маань 2023 оны 10-р сарын 28-нд Бин Ань мужийн Куй Нхун далайн эрэгт живж нас барсан. Түүнийг нас барсны дараах эхний өдрүүдэд, манай гэр бүл уй гашуу, үгүйлэл гансралд автсан. Тэр үед би Суприм Мастер Телевизийн хоёр дэлгэцийг асааж, Буддын магтууг тоглуулж, Ариун Нэрсийг уншиж, хүүг минь Гэртээ угтан авахыг Бурханд залбирсан. Би садан төрөл, хамт ажиллагч, найзууддаа талархлаа хүргэхийн тулд веган хоол бэлдсэн. Оршуулгын үед олон гайхамшигт үйл явдал болсон – би бүрэн дүрслэхийн аргагүй олон зүйл байсан. Энэрэлт Их Багшдаа чин сэтгэлээсээ талархаж байна, мөн хайр дүүрэн хамгаалалтын Тань төлөө Бурханд талархаж байна.

Одоо Их Багшийн зөвшөөрлөөр би сүнслэг ахиц дэвшлээ болон Гэртээ харих замналаа хуваалцахыг хүсэж байна. Би гэр бүлдээ, 2022 оны 4-р сард Их Багшийн авшиг хүртэн адислагдсан цор ганц хүн байсан. Хэдийгээр би Их Багштай биечлэн уулзаж байгаагүй ч, миний итгэл үнэмшил үргэлж туйлын байсан. Миний гуйвшгүй итгэл бол Их Багшийн айлдсан Жинхэнэ Сургаал болох Дээд Арьяабалын бясалгалд оршдог. Би, ялангуяа энэ чухал үед Арьяабалын бясалгалын хуваарийн талаарх Их Багшийн зааврыг хичээнгүйлэн даган мөрдөж байна. Би Суприм Мастер Телевизийн 12 дэлгэцийг байнга асаалттай байлгадаг бөгөөд Бүгд Нэгдмэл дэнлүү, Гэгээрэл дэнлүү болон бусад олон дэнлүүг тодоор гэрэлтүүлдэг. Гэрийг минь радио болон чанга яригчийн энерги хүрээлж, Их Багшийн дуу хоолой өдрийн турш цуурайтдаг.

Их Багш аа, Бурханы болон Тэнгэрийн агуу Хүч намайг хэрхэн адисалсан нь үнэхээр гайхамшиг – Бясалгалын үеэр Диваажингийн гэрэлтсэн Алтан Гэрлээр хүрээлэгдсэн Тантай уулзаж, Бурхантай уулзах боломж олгосон юм. Миний зүрх сэтгэл гүнээ догдолж, талархлаар дүүрч байлаа.

Хөршүүд маань олон төрлийн амьтан-хүмүүс тэжээдэг байсан ч, гурван сарын дараа бүгдийг нь зарж, хүнсний ногоо тариалахаар болсон. Манай гэр бүлийн гишүүд ч бас цагаан хоолтон болсон. Хэдийгээр бүрэн цэвэр веган болоогүй ч гэсэн тэдний сүнслэг байдал сайжирч, энэрэнгүй сэтгэл нь өссөн.

Их Багш аа, Танд гүнээ талархъя. Бидэнд ийм, асар их Адислал соёрхсон Хамгаас Хүчирхэг Гурав-ыг би мөнхөд хүндэтгэн, бишрэн дээдлэх болно. Та үргэлж эрүүл энх, амар амгалан байж, Та энэ дэлхий дээр сүр жавхлантай Диваажингийн хамгаалалтад байгаасай гэж би залбирч байна. Мөн хамаг төрөлтөн болон дэлхийн удирдагчид удахгүй веган хооллолтыг хүлээн авч, ийнхүү Их Багшийн хүсэл биелэх болтугай гэж би залбирч байна. Хан Ан, Ау Лак (Вьетнам) улсаас

Үнэнч Хан Ан, хүүгээ алдсанд тань гүн эмгэнэл илэрхийлж, чин сэтгэлээсээ харамсаж байна. Түүнийг нас барахаас жил гаруйн өмнө та Арьяабалын бясалгалын авшиг хүртэж, дадуулсан нь ямар азтай хэрэг вэ. Аз болоход та найз нөхөд, гэр бүлийнхээ дэмжлэгийг авч мөн Их Багш болон Бурханд итгэх итгэл тань ийм хүнд үеийг даван туулахад дэмжжээ. Мөн таны сүнсийг дэмжих гайхамшгууд байж! Веган дэлхий хурдан ирэхийг мөн Их Багш маань эрүүл энх байж, Тэнгэрлэг хамгаалалтад байхыг хүсэн ерөөхөд тань бид таньтай нэгдэж байна. Та болон ухаалаг Аулак (Вьетнам) ард түмэн Тэнгэрийн баяр баяслаар дүүрэн байх болтугай, Суприм Мастер ТВ-ийн хамт олон

Жич: Таны сэтгэлийн үгэнд Их Багш хайр дүүрэн хариу өглөө: “Мэдрэмжтэй Хан Ан, хүүхдээ алдах нь маш гүнзгий, тэсэхийн аргагүй шаналал юм. Та Бурханд болон Эргэн Нэгдсэн Хамгаас Хүчирхэг Гуравт итгэх итгэл, хайр, чин бишрэлээрээ зовлонгоо нимгэлсэн нь ухаалаг хэрэг болжээ. Мөн та итгэлээрээ, таныг үргэлж Бурханы халамжид байдаг гэдгийг харуулсан гайхамшгуудаар тайвширсан байна. Их Багшийн Хүч таны гэр бүлийн олон үеийнхний болон таны хайртай хүмүүсийн – тэдний дотор хүүгийн тань сүнсийг ч асран хамгаалах болно гэж танд хэлсэн Арьяабалын авшгаа үргэлж санаарай. Таны үнэнч, хичээнгүй бясалгалын үр дүнд танай хөршүүд тариалан эрхлэх болсон бөгөөд гэр бүлийн гишүүд тань цагаан хоолтон болсон нь бодит үр өгөөж болжээ! Та болон өгөөмөр Ау Лак (Вьетнам) Тэнгэрийн Ивээлээр үүрд адислагдаж байх болтугай. Танд болон таны хайртай бүхэнд том тэврэлт, Хайр, Халамжийн том баглаа илгээж байна.”