ӨДӨР ТУТМЫН МЭДЭЭ-ний гол тойм – 2025 оны 8-р сарын 7

АНУ-ын Холбооны мөрдөх товчоо (ХМТ)-ны захирал Каш Пател тус агентлагийн анхны салбарыг Шинэ Зеландад нээж, Номхон далайн өмнөд хэсэгт Хятадын нөлөөг эсэргүүцэхэд тусална гэж мэдэгдэв. (AP)

Тайланд энэ долоо хоногт болох энхийн хэлэлцээний өмнө Камбожийн зарим цэргийг буцаан шилжүүлжээ. (Ройтерс)

АНУ-д төрсөн иргэдийн ажил эрхлэлт нэмэгдэж, цагаач ажилчдын ажилгүй болсон үзүүлэлтээс давсан нь Ерөнхийлөгч Трампын үед “Америкчууд нэн тэргүүнд” бодлого амжилттай хэрэгжиж байгааг харуулж байна. (Фокс Бизнес)

АНУ-ын Сенат Ерөнхийлөгч Трампын АНУ-ын Колумбиа тойргийн өмгөөлөгчөөр нэр дэвшүүлсэн шүүгч Жеанин Пирог батлав. (Аль Жазира)

Ерөнхийлөгч Трампын засаг захиргаа Лос Анжелесийн Калифорнийн Их Сургуульд олгох 339 сая ам.долларын буцалтгүй тусламжийг царцааснаа мэдэгдлээ. Тус сургуулийг еврейчүүдийн эсрэг бодлого явуулсан, сургуулийн элсэлтийн шатанд шударга бусаар арьс өнгөөр ялгаварлан хандсан, трансжендер эрчүүдийг эмэгтэйчүүдийн спортын тэмцээнд оролцохыг зөвшөөрсөн зэрэг иргэний эрхийг зөрчсөн гэж үзжээ. (Нью-Йорк Пост)

АНУ-ын Хууль зүйн яам ерөнхийлөгч Трампын сонгуулийн шударга байдлыг бэхжүүлэх зорилтын хүрээнд сонгогчдын бүртгэлийн жагсаалт дахь иргэнийн харьяат бус хүмүүсийг илрүүлэх, шалгах ажиллагаа ##явуулж байна. (Фокс Ньюс)

Ардчилсан намаас сонгогдсон сенатор Жон Феттерман Ерөнхийлөгч Трампын гаалийн татварын бодлогын талаар өөрийн намын байр суурь буруу байсныг хүлээн зөвшөөрч, АНУ-ын худалдаа “сайн явж байна” хэмээн мэдэгдэв.##(Фокс Ньюс)

JP Morgan Chase банкны гүйцэтгэх захирал Жэйми Даймон Ерөнхийлөгч Трампын гаалийн татварын талаарх байр сууриа өөрчилж, “Одоохондоо маш сайн” гэв. (Хилл)

[Саудын Арабын] Тайф: Алсыг харагчийн ослоор 23 хүн гэмтэж бэртсэний гурвынх нь биеийн байдал хүнд байна. Албаны хүмүүс шалтгааныг шалгаж эхэлжээ. (Түөи Трэ)

Өндөр боловсруулалттай хоол хүнс, элсэн чихэр, амьтан-хүний мах агуулсан үрэвсэл үүсгэгч хоол хүнс хүүхдийн бэлгийн эрт бойжилтын эрсдэлийг 15%-иар нэмэгдүүлдгийг шинэ судалгаа анхааруулж байна. Үүний эсрэгээр ихэвчлэн ургамалд суурилсан хооллолт нь энэ эрсдэлийг 8% бууруулдаг ажээ. Хүүхдийн бэлгийн эрт бойжилтод нөлөөлж болзошгүй бусад хүчин зүйлд агаарын бохирдол, хувийн арчилгааны бүтээгдэхүүн дэх даавар алдагдуулагч химийн бодисууд багтдаг. (НьюсБрийк)

Японы эрдэмтэд лейкеми [цусны хорт хавдар] үүсгэдэг HTLV-1 (Хүний Т-лимфотропик вирус 1)-д байдаг “дуу намсгагч” үүрэгтэй чухал гений элементийг илрүүлжээ. Энэхүү дуу намсгагчийг устгахад вирус идэвхтэй болж, халдахдаа амархан болдог байна. Дуу намсгагчийг ХДХВ-д [хүний дархлал хомсдолын вирус] оруулах нь мөн ХДХВ-ийн идэвхийг бууруулдаг. Энэ нь хоёр вирусийг эмчлэх шинэ аргыг бий болгож байж магадгүй юм. (Тань Хоа)

[Хятадын] Жэнжоу хотын нэгэн эмэгтэй нөхрийнхөө тамхины утаагаар амьсгалсны улмаас гурван удаа дараалан зулбажээ. Дам тамхидалт нь зулбалт, эр бэлгийн эсийн чанар бууралт, ихсийн үйл ажиллагааны алдагдал, дутуу төрөлт, төрөлхийн гажиг, астма, харшил зэрэг хүүхдийн өвчлөлтэй холбоотой болохыг эмч нар анхааруулж байна. Хүүхэд гаргахаар төлөвлөж буй гэр бүлүүдэд жирэмслэхээс дор хаяж гурван сарын өмнө тамхи татахаа больж, гэрийн орчныг бүрэн тамхины утаагүй байлгахыг зөвлөдөг. (VTC News)

[Ау Лак (Вьетнам)-ын] Тай Нинь аймагт денге өвчний тохиолдол эрс нэмэгдсэнтэй холбоотойгоор халдварын тархалтыг хянах арга хэмжээ авч эхэлжээ. (Тань Ниень)

[Филиппиний] Кезон хотод хэдэн долоо хоног тасралтгүй үргэлжилсэн борооны улмаас үерийн усанд бохирдсоноос болж үхлийн аюултай лептоспирозын халдвар нэмэгдсэн байна. (Манилагийн жишиг)

Итали: 2025 он гарснаас хойш Баруун Нилийн вирусийн улмаас арван хүн нас барлаа. (Евроньюс)

ОХУ-ын Крашенинников галт уул сүүлийн 500 жилийн хугацаанд анх удаа дэлбэрч, үнс нурам 6 км өндөрт цацагджээ. (ВнЭкспресс)

ОХУ-ын Курилын арлуудад 6.7 магнитудын хүчтэй газар хөдлөлт болов. (Ройтерс)

[АНУ-ын] Нью Йорк хотод бага зэргийн газар хөдлөлт болсон нь Манхэттэн болон Бронкс хотын оршин суугчдад мэдрэгдсэн байна. (24h.com.vn)

[Ау Лак (Вьетнам)-ын] Лиень Хүөн коммуны орчмоос аварга том халим-хүн үхсэн байдалтай хөвж яваа нь олджээ. Нутгийн оршин суугчид түүнийг уламжлалт заншлаараа хүндэтгэлтэйгээр оршуулсан байна. Ау Лак (Вьетнам)-ын төв хэсэгт ийм зан үйл олон зууны туршид үргэлжилж ирсэн ба нутгийн ард иргэд халим-хүмүүст гүн хүндэтгэлтэй ханддаг. Учир нь эдгээр энэрэнгүй аварга биетүүд далайн ширүүн шуурганд онгоц хөмрөх зэрэг амь насанд халтай нөхцөлд хүмүүсийг болон завинуудыг аварч байсан түүх олон бий. (ВнЭкспресс)

[Тайванийн] Тайнаньд өглөөгүүр аадар бороо орж, Ёнкан дүүрэг зэрэг хэд хэдэн газар үерт автлаа. (Тайбэй Таймс)

[Испанийн] Валенсияагийн удирдлага саяхан болсон үерийн ослын дараа Вега-Баха-дель-Сегура, Коста Бланка мужид үерээс хамгаалахад зориулан 14 сая еврогийн санхүүжилт олгожээ. (Евро долоо хоног бүр)

Хятад: Амийг нь нядлагдахаас аварсан эмэгтэйн хариуг нэгэн гахай-хүн түүнийг уул өөд өгсөх, уруудахад нь нуруундаа үүрэн хариулж буй нь олон нийтийн сүлжээгээр олон сая хүний сэтгэлийг хөдөлгөж байна. (Saostar.vn)

[Их Британийн] Хойд Йоркшир: Сайн дурынхан зэрлэг нугас-хүмүүсийн сүргийг Код Бек голоос хотын төв хүртэл шөнө бүр дагалдан авч явж, тэдний аюулгүй байдлыг хангадаг ажээ. (Сайн мэдээний сүлжээ)

Зимбабвегийн хуульч Эвер Чинода амьтан-хүмүүсийг хууль ёсны аргаар хамгаалах зорилгоор “Амьтдын төлөө дуугар” байгууллагыг байгуулжээ. Тэрээр амьтантай холбоотой шүүх хэргүүдийг хариуцан хянаж, их сургуулиудад амьтны эрх зүйн хичээл заан, зэрлэг амьтан-хүмүүсийг илүү сайн хамгаалах хуулийн шинэчлэл хийхийг уриалдаг. Түүний урт хугацааны зорилго бол Байгаль орчин, зэрлэг амьтдад зориулсан тусгай шүүх байгуулан ажиллуулах явдал юм. (Үндсэн дэвшил)

[Энэтхэгийн] Ченнай хотын удирдлага галзуу өвчинтэй тэмцэх зорилгоор 8-р сарын 7-ноос эхлэн тэнэмэл болон тэжээвэр амьтан-хүмүүст 50 хоногийн хугацаатай нохойны вакцинжуулалтын кампанит ажил эхлүүлнэ. (TenNews.in)

Доктор Алан Манделийн чих сэгсрэх арга нь бие, сэтгэлийг тайвшруулдаг. Энэ нь стресс, сэтгэлийн түгшүүр, нойрны асуудал, чих шуугих, толгой эргэх, цусны даралт ихсэх зэрэгт тустай. Мөн стрессийн дааврыг бууруулж, хоол боловсруулалт, нойр, эрч хүчийг сайжруулдаг байна. Үүнийг өдөр бүр хийж үзээрэй.

Хийх арга: 1) Чихний дээд хэсэг + 20 секундийн турш зөөлөн татаж сэгсрэн, цусны эргэлтийг сайжруулна. 2) Чихний дунд хэсэг + 20 секунд сэгсэрч, тэнэгч мэдрэлийг идэвхжүүлэн, чих шуугих болон стрессийг багасгана. 3) Чихний доод хэсэгт + 20 секунд сэгсэрч, тэнэгч мэдрэлийг улам өдөөн, зүрхийг тайвшруулж, хоол боловсруулалтыг сайжруулна. (motivationaldoc)

Тайванийн эрдэмтэн, сүнслэг байдал судлаач, доктор Ян Динъи шашнууд 2,000 жилийн турш нэг үнэнийг нууж ирсэн хэмээн хэлдэг. Тэрхүү үнэн нь энерги, матери, ухамсар бүгд нэг л бодисоос бүтдэг бөгөөд энэ нь түүний нэрлэснээр “спираль талбар” буюу Орчлон ертөнцийн бүтээх хүч ажээ. Тэрээр хүн төрөлхтөн энэхүү Сансар огторгуйн мөн чанартай холбогдвол хязгааргүй чадамжтай болох агаад Мессия, Майдар Бурхан хэмээн олон шашинд бошиглосон Аврагч манай үед залран ирж, хүн төрөлхтнийг технологи, материализмын сүйрлийн мөчлөгийг давж, шинэ оюун санааны алтан эринд хөтлөх болно гэж үздэг. (TиCиTи – ХАМ ФА)

Эртний аулак (вьетнам) мэргэн ухаанд өгүүлснээр дараах 7 төрлийн амьтан-хүн гэрт адис ивээл авчирдаг ажээ: 1) Нохой-хүмүүс Тэнгэр, газрын энергитэй холбогдсон нь эд баялгийн эерэг өөрчлөлтийг авчирдаг. + Хар нохой-хүмүүс муу ёроос хамгаалдаг. + Шаргал нохой-хүмүүс бизнесийг дэвжүүлнэ. + Цагаан нохой-хүмүүс эв найрамдал авчирдаг. + Улаан хүрэн нохой-хүмүүс үл хөдлөх хөрөнгөд ээлтэй. + Золбин нохой-хүмүүсийг хүлээн авах нь адис авчирдаг. Тэднийг хөөх нь золгүй явдал авчрах болно.

2) Муур-хүмүүс Тайвшруулах Инь энергийг авчран, муу энергийг цэвэрлэдэг. + Цагаан муур-хүмүүс үйлийн үрийг цэвэрлэнэ. + Хар муур-хүмүүс санхүүг хамгаалдаг. + Алтлаг, гурван өнгийн муур-хүмүүс эд баялгийг дуудна. + Муур-хүмүүсийг хөөж хэрэггүй. Тэд сөрөг энергийг арилгаж, санхүүгийн замыг нээж өгдөг.

3) Эрвээхэй Инь [нам тайван байдал], Ян [хөдөлгөөн] хоёрын хоорондох элч нар шинэчлэл өөрчлөлтийг бэлгэддэг. + Хар эрвээхэй энергийг цэвэрлэдэг. + Цагаан эрвээхэй амар амгаланг авчирдаг. + Өнгөлөг эрвээхэй нь хөгжил цэцэглэлтийг татдаг. + Объект дээр буух эрвээхэйнүүд шинэ боломжуудыг илтгэнэ. + Тэднийг бүү барь. Энэ нь тэдний сүнслэг захиасыг хаадаг.

4) Бор шувуу-хүмүүс Эд баялаг, хайрыг авчирдаг. + Хос бор шувуу нь романтик эв найрамдал гэсэн үг. + Таны ажлын байрны ойролцоо тэд ажлын сайн мэдээ, боломжийг авчирдаг. + Тэдний үүрэнд бүү саад бол. Тэд ариун төрөлтөн.

5) Мэлхий-хүмүүс Эд баялаг, шинэчлэлтийн бэлгэдэл. + Гал тогоо, хаалганы ойролцоо харагдах = мөнгөний аз. + Мэлхий-хүмүүс санхүүгийн дэмжлэг, эсвэл шинэ гэрээ хэлцэл авчирна. + Тэднийг бүү хорло. Тэд ариун төрөлтөн.

6) Царцаа Өсөлт, урагшлах хөдөлгөөнийг илтгэнэ. + Цэвэр, тэнцвэртэй орчинд харагдвал шинэ боломжууд ирж буй хэрэг. + Бүтээлч байдал, ажил амжилтын өсөлттэй холбоотой. + Тэд таныг шийдэмгий арга хэмжээ авч, урагшлахыг дэмжинэ.

7) Тэмээлзгэнэ Урт хугацааны аз, шинэчлэлийг авчирна. + Таны дээр тэмээлзгэнэ буух нь сайн мэдээ ирж байна гэсэн үг. + Энергийн урсгалыг хадгалахын тулд тэднийг чөлөөтэй нисгээрэй. + Тэмээлзгэнийг бүү цохь. Тэд дэвшүүлэх хүчийг агуулдаг. (Мать Ма Таи Лок)

Америкийн зохиолч, бэлэвсэн эмэгтэй Розмари Торнтон 2018 онд клиник үхэлд ороод үзэж харсан зүйлээ ярьжээ: Нөхөр нь амиа хорлосон гунигт явдлаас хойш хоёр жилийн дараа Розмари эмэгтэйчүүдийн хорт хавдраар оношлогджээ. Эмчилгээний явцад ямар нэг зүйл буруу болсон байна. Цусны даралт нь унаж, зүрх нь зогсоход Розмари өөрийнхөө сүнсийг “талх шарагчаас гарсан шарсан талх шиг үсрэн гарах”-ыг мэдэрчээ. Бүрэн ухамсартай тэрээр нас барсан гэдгээ мэдэж байсан ч хошин шогийн мэдрэмж, өвөрмөц байдал, ухамсраа хадгалсаар байв. Хилэн харанхуйд тэрээр амар амгалан, талархлыг мэдэрснээ дэлхийн “галзуугийн хоргодох газраас” “сайн зан байдлынхаа ачаар эрт суллагдсан” хэмээн хошигнон тайлбарласан юм.

Розмари асар их Энэрэл Хайр дүүрэн Оршихуйд нэгдсэн байна. Зүүн мөрөө давуулан дээш харахад Розмарид ямар ч биет хэлбэргүй ч биетэй юм шиг санагдсан тул баяртайгаар “Та хэн бэ?” гэж асуув. Тэрхүү Оршихуй “Чи, Розмари. Чи бол дүр төрх, ижил дүр юм. Би бол Эх нь.” гэж Библийн Эхлэл 1:26-гаас иш татжээ. Түүнд эмэгтэйлэг мэт санагдсан энэ Оршихуй нөхцөл болзолгүй хайр, амар амгаланг цацруулж байлаа.

Нэгэн Сүнслэг Хамтрагч гарч ирэн Розмарид нялх байхдаа хорвоог орхисон ч ээжийнхээ залбирлаар буцаж ирсэн хүүхэд насных нь тухай сануулж, клиник үхэлд орох явдалд насан туршдаа сонирхолтой байхад нөлөөлснийг нь тайлбарлав. Розмари болон түүний Хамтрагч цагаан манантай өрөөнд орсон агаад тэр өрөөнд “гэрлийн бөөмс” түүнийг энэ дэлхийн хүнд ачаанаас цэвэрлэж байлаа. Розмари Диваажинд хөтөлдөг гэж бодсон хаалганы өмнө очоод ийшээ нэвтрэх нь Бурханы Хүсэл мөн үү гэж асуув. Тийм биш гэж тэр даруй хариулсан боловч түүний хийсэн аливаа сонголт БУРХАНЫ Хайр, Ерөөлөөр хүлээн зөвшөөрөгдөнө гэжээ. Түүний үхэлд гэмшин уйлж буй эелдэг сувилагчийг хараад Розмари сувилагчийг энэ зовлонгоос ангижруулахаар буцаж ирэхээр шийдэв.

Тэр даруй Розмари биедээ эргэн орж, өөр нэгэн яаралтай тусламжийн өрөөнд байлаа. Тэнгэрийн элч нар гарч ирэн, Гэрэлт хувцастай гялалзаж, Розмарийн сонсож байсан хамгийн сайхан дуу - БУРХАНЫГ алдаршуулсан Тэнгэрлэг дуунуудыг дуулжээ. Тэд БУРХАНЫГ алдаршуулсан дуу дуулах тусам тэдний гялалзах гялбаа улам хурц болж, гялалзах тусам тэд Бурханыг алдаршуулсан дууг улам ихээр дуулж байлаа. Тэд Розмарид хөгжим түүнд амар амгаланг авчирсныг хэлэн, буцаж ирсэнд нь талархал илэрхийлэв. Тэд түүнийг эдгээхийн тулд биед нь тохируулга хийж байгаа гэдгээ баталжээ. Эмнэлэгт дөрвөн хоносны дараа Розмари үнэхээр гайхалтайгаар эдгэрсэн байна. Хоёр долоо хоногийн дотор түүний цусны шинжилгээ “сурах бичиг төгс” болж, дараагийн биопсид хорт хавдрын ул мөр илрээгүй нь эмч нарыг гайхшируулжээ. Үүний зэрэгцээ нөхрийнхөө үхэлд гэмшин, гашууддаг явдал нь “багцлагдан” үлдэж, дахин өвдөлт мэдрэхээ болив.

Розмари эд зүйлээ зарж, баруун тийш нүүн, хоол хүнс тариалан, энгийн амьдарч байхдаа амар амгаланг олж авчээ. Тэрээр БУРХАН, Тэнгэрийн элч нар хүн төрөлхтнийг асар их хайрлан, нандигнаж, бидний алдаа дутагдлыг үл харгалзан бидний төгс байдал, боломжуудыг олж хардаг гэж захисан юм. Дэлхий дээрх бидний зорилго бол “сайн байх, сайн зүйл хийх, хайрлах, эелдэг байх, ухаалаг байх” гэдэгт тэр итгэдэг. Тэрээр клиник үхлээ “Гэртээ тавтай морил, хонгор минь” гэсэн үгээр дүгнэжээ. (Хөшигний цаана)

Өдрийн ухаалаг эшлэл: “Бүх зовлонгийн үндэс нь сэтгэлийн хүлээс.” — Ялж Төгс Нөгчсөн Шагжамүни Будда (веган)