ӨДӨР ТУТМЫН МЭДЭЭ-ний гол тойм – 2026 оны 5-р сарын 7

ЕХ [Европын Холбоо] болон Армени улс [Арменийн]-д Ереван хотод анхны дээд хэмжээний уулзалтаа хийж, удирдагчид эдийн засаг, тээвэр, эрчим хүчний хамтын ажиллагааг гүнзгийрүүлэх ЕХ-Арменийн Холболтын шинэ түншлэлийг эхлүүллээ. Аюулгүй байдал, хилийн удирдлагын хамтын ажиллагааг бэхжүүлэх арга хэмжээ авлаа (Европын Комисс)

АНУ-ын Боловсролын яам төлбөрийн төлөвлөгөөг нэгтгэн, орлогод суурилсан шинэ хувилбар бий болгож, хэт их зээл авахыг хязгаарлах замаар коллежийн зардлыг бууруулж, холбооны оюутны зээлийн эргэн төлөлтийг хялбарчлах журмыг эцэслэн баталжээ. Тус бодлого нь эргэн төлөлтийг илүү урьдчилан таамаглахуйц, зохицуулахад хялбар болгохын зэрэгцээ хэт зээл авах болон нийт оюутны өрийг бууруулахыг зорьж байна. (Боловсролын яам)

АНУ-ын Дипломат аюулгүй байдлын алба 2,500 гаруй хохирогчийн хулгайлагдсан мэдээллийг ашиглан АНУ-ын хуурамч паспортын карт хийж, 9 сая гаруй ам.доллар хулгайлсан олон муж дамнасан хуурамч паспорт, хувийн мэдээлэл хулгайлах сүлжээг илрүүлснээр уг схемийн хоёр гол этгээдэд холбооны шүүхээс 10 болон 7.5 жилийн хорих ял оноолоо. (АНУ-ын Төрийн яам)

Бангладеш улс өсвөр үеийнхний амиа хорлох эрсдэл нэмэгдэж буй асуудлыг шийдвэрлэхээр Дэлхийн Эрүүл Мэндийн Байгууллага [ДЭМБ]-ын дэмжлэгтэй туршилтын хөтөлбөрийг дөрвөн дүүрэгт эхлүүлж, 20,000 сурагч, хэдэн зуун багшийг сурган, үндсэн шалтгааныг тогтоох өргөн хүрээний судалгаа хийж, үндэсний амиа хорлолтоос урьдчилан сэргийлэх бодлогын суурь болох өгөгдөлд тулгуурласан загварууд боловсруулна. (BSS Ньюс)

АНУ-ын холбооны давж заалдах шатны шүүх АНУ-д ихэнх үр хөндөлтөд ихэнхэд хэрэглэгддэг, Хүнс, эмийн захиргаа [FDA]-наас зөвшөөрсөн мифепристоныг эмийг орон даяар шуудангаар захиалан авах боломжийг түр хугацаагаар хориглолоо. Энэ хэрэг нь FDA мифепристонд зориулсан журмаа зохисгүйгээр сулруулсан, үүний дотор 2021 онд уг эмийг зайн эрүүл мэндийн үйлчилгээгээр дамжуулан жор бичиж, шуудангаар илгээхийг зөвшөөрсөн шийдвэр зэрэг хуулийн нэхэмжлэлээс үүдэлтэй. Давж заалдах шатны шүүхийн захирамж нь эдгээр нэхэмжлэлийг хянан хэлэлцэх явцад гаргасан түр арга хэмжээ юм. Цаашдын шийдвэрүүд, тэр дундаа Дээд шүүхийн боломжит хяналт нь уг хязгаарлалтыг хэвээр үлдээх, цуцлах, эсвэл улам өргөжүүлэх эсэхийг тогтооно. (Гардиан)

Тайланд улс болон АНУ [АНУ-ын] Вашингтон хотноо дээд түвшний хэлэлцээр хийж, хил дамнасан дуудлагын төвийн бүлэглэлүүд, хүн худалдаалах гэмт хэрэг, цахим гэмт хэрэгтэй тэмцэх тагнуулын мэдээлэл солилцоо, хамтарсан ажиллагааг өргөжүүлэхээр болжээ. Тайланд улс сүүлийн үеийн ажиллагаагаар албадан хөдөлмөр эрхэлж байсан 10,000 гаруй хохирогчийг аварч, 20 тэрбум гаруй батт (ойролцоогоор 615 сая ам.доллар)-ын хөрөнгө хурааснаа онцоллоо. (Нэйшн Тайланд)

АНЭУ [Арабын Нэгдсэн Эмират Улс]-ын нисэх газрын удирдлага 2-р сарын 28-нд Ираны дайн эхлэх үеэр хэрэгжүүлсэн урьдчилан сэргийлэх арга хэмжээг цуцалсны дараа үйл ажиллагаа болон аюулгүй байдлын нөхцөлийн хамтарсан үнэлгээнд үндэслэн, агаарын хөдөлгөөн хэвийн байдалдаа орсон гэж мэдэгджээ. (Ройтерс)

Бангладеш улс даяар хомсдол үргэлжилж, сүрьеэгийн ачаалал өндөр хэвээр буй энэ үед АНУ-аас тус улсад сүрьеэгийн шинжилгээний 600,000 иж бүрдэл, хүүхдийн 11,000 эмчилгээний багцыг нийлүүлж, оношилгоо, тусламжийг тогтворжуулахад тусалжээ. (Муслим Нетворк ТВ)

Баруун Африкийн эргийн ойролцоох аяллын хөлөг дээр хантавирусийн сэжигтэй дэгдэлтээс 3 хүн нас барж, өөр 3 хүн халдвар авсныг Дэлхийн Эрүүл Мэндийн Байгууллага баталжээ. Хантавирус нь мэрэгчтэй холбоотой ховор тохиолддог амьсгалын замын өвчин юм. Эрүүл мэндийн багууд эрсдэлийг үнэлэхээр уг хөлөг онгоцон дээр очсон бөгөөд шалгах ажиллагаа үргэлжилж байна. (Фокс Ньюс)

Тайландын Сирираж эмнэлэг 5-р сарын 4-7-нд Лаос улсад 49 өвчтөнд 72 үе солих мэс засал хийх эмнэлгийн ажиллагаа эхлүүлжээ. Зарим мэс засалд дэлхийд анхдагч, өвчтөнд тусгайлан тохируулж, дотооддоо 3D хэвлэгчээр хэвлэсэн, титан ташааны үүр суулгана. Төсөл мөн мэс заслын туршлагыг орон нутгийн эмнэлгийн ажилтнуудад дамжуулж, бүс нутгийн эрүүл мэндийн хамтын ажиллагааг бэхжүүлнэ. (The Nation Thailand)

Зарим хоол хийх арга нь буржгар байцайны шим тэжээлийн 50 хүртэл хувийг алдагдуулж болзошгүй. Харин буржгар байцайг даралттай тогоонд тэг минут [хугацааг 0 минут болгон тохируулах] чанахад шим тэжээлийнх нь 95% хадгалагдана. Мэргэжилтнүүд мөн сульфорафаны нийлэгжилтийг мэдэгдэхүйц нэмэгдүүлэхийн тулд буржгар байцайг хоол хийхээс 30 минутын өмнө хэрчиж амраахыг зөвлөж байна. Судалгаагаар богино хугацааны, ус бага хэрэглэдэг богино долгионы зуух, даралтаар чанах аргууд нь ногооны аминдэм, эрүүл мэндэд тустай нэгдлүүдийг хамгаалахад буцалгахаас хавьгүй үр дүнтэй болохыг харуулжээ. (Плант Бэйсд Ньюс)

2026 оны 3-р сарын 1-нээс хойш Тайланд улс 5-р сард эхэлж болзошгүй, супер Эль Ниньо цаг уурын үзэгдэлтэй холбоотой ган гачгийн өмнө бороо оруулах зургаан нэгжийг ажиллуулжээ. 446 амжилттай нислэгийн дараа уг санаачилга 12.8 сая га тариалангийн талбайд ашиг тусаа өгч, усан сангуудыг дахин дүүргэсэн байна. Эрх баригчид хэт халалт, хур тунадас багасах үзэгдэл 2026 оны турш үргэлжилж болзошгүй тул улс даяар үүлэнд нөлөөлөх ажиллагааг үргэлжлүүлэх шаардлагатайг анхаарууллаа. (Нэйшн)

Кенийн төв ба зүүн бүс нутгуудад орсон хүчтэй аадар борооны улмаас аюултай үер, хөрсний гулгалт үүсжээ. Улирлын борооны оргил үеэр оршин суугчдыг нүүлгэн шилжүүлж, орон нутгийн дэд бүтцэд хохирол учран, эрх баригчид 18 хүн нас барсныг баталжээ. Гамшигт нэрвэгдсэн хошуудад аюултай цаг агаар үргэлжилж байгаа тул цагдаа нар болгоомжтой байхыг уриалсан байна. (Фри Малайзия Түдэй)

Бразилын зүүн хойд хэсэгт орсон хүчтэй борооны улмаас Пернамбуку мужид ноцтой үер, хөрсний гулгалт үүсгэж, 6 хүн амиа алдаж, 9,400 гаруй оршин суугчийг нүүлгэн шилжүүлж, 27 хотын захиргаа нэрвэгджээ. Амбан захирагч Ракел Лира онц байдал зарлаж, багууд 800 гаруй аврах ажиллагаа явууллаа. (Уотчерс)

Тайландын эрх баригчид [Тайландын] Бангкок хотын Суварнабхуми нисэх буудалд 19 настай зорчигчийг хувцасных нь доор наасан, ойролцоогоор 9,000 ам.долларын үнэ бүхий хамгаалалтад байдаг, 30 ширхэг Энэтхэгийн одон хуягт яст мэлхий-хүнийг илрүүлсний дараа баривчилж, албаны хүмүүс энэ хэрэг зэрлэг амьтны өргөн хүрээний хууль бус наймааны сүлжээтэй холбоотой байж болзошгүй гэж мэдэгджээ. (Тайпей Таймс)

НҮБ-ын уур амьсгалын асуудал хариуцсан тэргүүн Саймон Стиелл АНУ-Израилын Ирантай хийж буй мөргөлдөөн улс орнуудыг газрын тос, хийн тогтворгүй зах зээлээс хамаарлаа багасгахыг эрмэлзэхэд хүргэхийн хэрээр дэлхий даяар сэргээгдэх эрчим хүч рүү шилжих явцыг хурдасгаж байна гэж мэдэгджээ. (Ройтерс)

АНУ-ын Арми уургийн дэвшилтэт технологи ашиглан, байлдааны бүсэд зориулсан амьтан-хүний махгүй хүнсний норм боловсруулахын тулд судлаачид болон хүнсний салбартай хамтран ажиллахыг зорьж байна. Арми нийлүүлэлтийн сүлжээг бэхжүүлж, тэргүүн шугамд байрлаж буй цэргүүдэд тэсвэртэй шим тэжээл өгөхийн тулд исгэлт эсвэл “бусад шинэ биоүйлдвэрлэлийн аргууд”-ыг ашиглахыг хүсэж байна. (Таск & Пүрпөүз)

Их Британийн веган хүнс үйлдвэрлэгч Sweet Freedom компани Их Британид CHOC SHOT Cherry бүтээгдэхүүнийг гаргалаа. Хар Ой бялуу [Германы сонгодог амттан]-наас санаа авсан энэхүү цэвэршүүлсэн сахаргүй, веган сироп нь хэрэглэгчдийн дурсамж сэргээсэн амтны эрэлтэд нийцэж буй бөгөөд кофе, шарвин, веган зайрмагт ашиглах боломжтой юм. (Ретэйл Таймс)

Adfree Cities [нийтийн зай талбайгаас корпорацын сурталчилгааг арилгахыг зорьдог байгууллага], The Vegan Society зэрэг 50 гаруй байгууллага Их Британийн засгийн газарт “Ургамлаар баялаг хооллолтын арван зүйлт төлөвлөгөө”-г батлахыг уриалжээ. Зүйлүүдэд: “Олон нийтийн нийлүүлэлт, хоолны үйлчилгээг ашиглан илүү их ургамал хүнсийг эх үүсвэрээс нь авч, нийлүүлэх”, “Ургамлын уургийн үйлдвэрлэл, нийлүүлэлтийг нэмэгдүүлэхэд Британийн фермерүүдийг дэмжих” заалт багтсан байна. (Плант Бэйзд Ньюс)

[Энэтхэгийн] Кавал Барын нөөц газрын ойн ажилтнууд уламжлалт “челима” нүхийг сэргээж, хуурай сайрын ёроолыг ухсанаар ус аажмаар шүүрч, гүний усыг илүү хүртээмжтэй болгожээ. Энэхүү санаачилга нь хэт халуунд зовж буй зэрлэг амьтан-хүмүүсийг амин чухал ундны усаар хангаж байна. (Нью Индиан Экспресс)

Испанийн Аликантегаас гаралтай, бельги малинуа үүлдрийн баатар аврагч нохой-хүн Титан 13 жил алба хаасныхаа дараа таалал төгсөж, хүндэтгэл хүртжээ. Тэрээр гал сөнөөгч Серхио Перестэй хамтран дэлхий даяар 80 гаруй үүрэг даалгавар гүйцэтгэн, газар хөдлөлт, үер зэрэг байгалийн гамшигт өртсөн амьд хохирогчдыг эрэн хайж, эр зориг, аварсан амь насны өвийг үлдээжээ. (ЕвроУикли Ньюс)

Ау Лак (Вьетнам)-ын Куинь далайн эрэг дээр Куинь Люү Нэгдсэн эмнэлгийн захирал, доктор Хо Хак Түй цахилгаанд цохиулсан хүүд зүрх-уушгины сэхээн амьдруулалт [CPR] даруй гүйцэтгэн, амийг нь аварчээ. Анх судас нь цохихгүй байсан хүүхдийн биеийн байдал гурван минутын турш цээжинд нь даралт үзүүлсний хийсний дараа тогтворжсон байна. (ВнЭкспресс)

Өдрийн гэгээрүүлэх эшлэл: “Хүүхдүүдийг сурган хүмүүжүүлбэл насанд хүрэгчдийг шийтгэх шаардлагагүй болно.” – Хүндэт Гэгээрсэн Их Багш, математикч, гүн ухаантан Пифагор (веган) (Maestrovirtuale)

Өмнө нь Линн Арчес-Раппапортын клиник үхлийн тохиолдлын 2-ын 1-р хэсэгт Америкийн дунд сургуулийн хими, математикийн багш Линн Пуэрто-Рикогийн эргийн ойролцоо 3-3.5 метр өндөртэй давалгаанд цохигдож, хад руу шидэгдэн, живж эхэлснээ өгүүлсэн. Биеэ орхихдоо тэр өөрийнхөө нүүр, бие нь живж байгааг харж, Тэнгэрлэг Гэрэл рүү явж буйгаа мэдэрсэн бөгөөд тэнд Эзэн Есүс Христ (цагаан хоолтон) болон талийгаач аав нь амьдралынх нь тоймыг үзэхэд хамт байжээ. Амьдралын тоймын цаана нэг хонгил байсан бөгөөд тэнд олон зуун оршихуй “Тэр ирж байна уу?” гэж дахин дахин асууж байлаа. Линн мөн өөр хэмжээснүүдийн үзэгдлийг харж, бусдад учруулсан өвдөлтөө мэдэрч, төрөхөөсөө өмнөх өөрийгөө санан, тэсвэр тэвчээр, сэтгэлийн хат сурахын тулд эцэг эхээ өөрөө сонгосон болохыг нь түүнд хэлсэн ажээ. Цагаан-цэнхэр Гэрлээр хүрээлэгдэж, урьд нь хэзээ ч мэдрээгүй хайранд бялхсан Линнийг нэг захиастай буцаасан бөгөөд тэрээр үүнийг ойлгохыг хичээн, олон жил зарцуулжээ.

Энэ явдлын төгсгөлд хонгилоор доош явах цаг минь болоогүй тул намайг бие рүү минь буцаан аваачиж, хүн бүрд: “Би бол би”, цаг хугацаа нэн чухал гэдгийг хэл гэж захисан. Далайн эрэг дээр буцаж ирэхэд Линн ухаан алдаж, эмнэлэгт яаралтай хүргэгджээ. Тэр дөнгөж сая энэ явдлын үеэр юу болсныг найз залуудаа хэлэх гэж оролдоход, тэр түүнийг сэтгэцийн эмнэлэгт хэвтүүлж магадгүй гэж айн, хэнд ч хэзээ ч битгий хэлээрэй гэж шивнэжээ. Олон жилийн турш Линн ихэд дуугүй байж, өөрт нь тохиолдсонтой төстэй ямар нэг зүйлийг ном, өгүүллүүдээс хайсаар байлаа.

Линн хожим нь юу болсныг ойлгохыг хичээхэд тэр үед байсан нэг оршихуй онцгой танил санагдсан нь түүний хүүхэд ахуйгаасаа итгэж ирсэн гэж хэлдэг Эзэн Есүс Христ (цагаан хоолтон) байлаа. Би католик шашинд итгэж өссөн. Тиймээс энэ явдлын үед Будда, эсвэл өөр шашны дүр биш, Есүсийг харсан нь тэр ул мөртэй холбоотой байх. Энэ тохиолдлын үеэр би аюулгүй байгаагаа мэдэрсэн, Есүс бүх зүйл сайхан болно, намайг зүгээр гэж телепатаар байнга хэлсээр байсан. Учир нь би маш их айж, тохиолдож буй зүйлээс болж чичирч байсан юм. Гэхдээ намайг тайвшруулж байсан нь үнэхээр Есүс байсан. Гэхдээ би хүүхэд байхдаа сүмд явж байснаа санадаг. Би хэсэг хугацаанд, магадгүй тавдугаар анги хүртлээ католик сургуульд явсан. Дараа нь олон жил сүмд ганцаараа явдаг байсан. Би ахлах сургуульд ч катехизмын хичээлд явж байсан бөгөөд Есүс бол ярилцаж, харилцаж, итгэж болох аюулгүй хүн, аюулгүй Нэгэн, Оршихуй, Сүнс гэж үргэлж мэдэрдэг байсан. Тэр үед миний хүний амьдралд намайг үнэхээр хайрладаг цорын ганц хүн нь Есүс л байсан юм шиг санагддаг байлаа. Тэгээд Тэр миний аавтай хамт Багш Есүсийн хувиар намайг угтахаар тэнд байсан.

Би живж байхдаа, үхэж байгаагаа мэдээд, Бурханд залбирч, “Намайг битгий аваач. Би хангалттай сайн биш” гэж хэлж байсан. Би өөрийгөө хэзээ ч үнэ цэнтэй гэж бодож байгаагүй. Тиймээс үүнийг туулж байхдаа энэ нь миний мэдрэмжийг нэг талаар баталсан ч өөрийгөө шүүж байсан хүн нь би өөрөө байсан. Намайг шүүх Бурхан, Есүс, аав минь, хий үзэгдэл мэт оршихуй, эсвэл хонгилын төгсгөлд байсан хүмүүс гээд хэн ч, өөр ямар ч оршихуй байгаагүй. Энэ бүхэн надаас өөрөөс минь гарч байсан. Тэгээд надад муухай санагдсан. Би ийм хүн байхыг хүсэхгүй байгаагаа мэдэрсэн. Тиймээс энэ нь биедээ буцаж ирэх өөрчлөлтийн нэг хэсэг байсан. Яг тэр мөчид би өөрийн боломжит хамгийн дээд, хамгийн сайн хүн, хамгийн эелдэг, энэрэнгүй, хайраар дүүрэн өөрөө байхыг хүсэж байгаагаа мэдсэн.

Линнийг хамт буцаан илгээсэн “Би бол Би мөн” гэсэн захиас нь түүнд асар их хувийн утга учиртай зүйл болжээ. Тэр захиасанд би бүрэн автсан. “Би бол Би” гэдэг нь ер нь юу гэсэн үг вэ? Би нэг найздаа хэлэхэд, тэр: “Линн, бурхан минь, энэ чинь шатаж буй бутан дахь Мосегийн захиастай адил байна. Чи үүнийг мэдэж байна уу?” гэснийг санаж байна. Тэгэхэд би: “Тийм ээ, гэхдээ энэ үнэндээ юу гэсэн үг вэ? Би бол Би.” Миний хувьд тэр явдлаас “Би бол Би” гэдэг нь Бурханыг харах ганцхан зөв арга гэж байхгүй гэсэн утгатай. Бурхан бол цагаан сахалтай, урт цагаан сахалтай, цагаан арьст хүн биш. Бурхан, Тэнгэр, Орчлон, сансар огторгуй, байгальд итгэх цор ганц арга гэж байхгүй, бүгд адилхан. Бид Тэнгэрлэгтэй холбоотой байхын тулд хэрхэн итгэж, дадуулахад ганц л зөв арга гэж үгүй. Зөв арга нь тэр холбоосыг дадуулж буй хүндээ зөв санагдах арга бөгөөд сайхан сэтгэлтэй, хайраар дүүрэн, энэрэнгүй байхад л болно.

Линн клиник үхэлд орох үедээ харсан үзэгдлүүдийн нэг буюу хүүхдүүд нь цэвэр, аюулгүй усгүй байсан эмэгтэйчүүдийн тухай үзэгдэл нь хожим нь үйлдэл хийх дуудлага болжээ. Буцаж ирснийхээ дараа тэр Women for Water байгууллагыг үүсгэн байгуулж, хөгжиж буй орнуудын нийгэмлэгүүдтэй хамтран, эмэгтэйчүүдэд суурин газартаа цэвэр ус шүүж, хангаж чаддаг манлайлагч болоход тусалжээ.

Амьдралын тойм нь мөн Линний бага нас болон өөрийг нь өсгөсөн эцэг эхээ харах өнцгийг өөрчилжээ. Би эцэг эхдээ хандах хандлагаа шууд өөрчилсөн. Дэлхийн хүмүүсийн хувьд тэдний байдал хэр үйл ажиллагааны хувьд доголдолтой байсан ч өөрсдийнхөөрөө чадах чинээгээрээ хичээсэн, гэхдээ эцэг эх байх мэдлэг нь хязгаарлагдмал байсан гэдгийг би мэдсэн. Тиймээс тэд хэн байсан, хаанаас ийм болсон талаар илүү сайн ойлголттой болсон юм шиг санагдсан. Тиймээс би тэдэнд уурлаж, гомдол тээхээ больсон нь амьдралын замд мөрөн дээрээс минь асар их ачааг авч хаясан, тэдэнд хандах тэр уур, гомдлыг цаашид тээж явах шаардлагагүй болсон. Тэд чадах бүхнээ хийсэн. Би тэднийг сонгосон. Клиник үхэлд ороход тэднийг эцэг эхээ болгохоор би өөрөө сонгосон гэж надад хэлсэн. Би үүнд итгэдэг. Тийм ээ, тэд миний эцэг эх байснаар би сэтгэлийн хаттай байж сурсан, бүх зүйл сайн байсан.

Олон жилийн дараа Линн бага насныхаа өвдөлттэй үнэнүүдийг олж мэдэж, хэчнээн олон удаа өөрийн зөн хүрч совиндоо эргэлзэхэд байснаа ойлгох үед, клиник үхэлд орсон нь тэр шархыг хүртэл уур хилэнгээр бус, нигүүлслээр боловсруулахад тусалсан гэж тэр хэлжээ. Үүнийг мэдэрч, сэрж ухаарсан явдал, мөн миний КҮТ [клиник үхэлд орсон тохиолдол] нь надад үүнийг илүү нинжин, энэрэнгүй сэтгэлээр боловсруулахад тусалсан гэж би боддог. Учир нь тийм тодорхой зан чанартай хүмүүс яагаад тэгж авирлаж байсныг би тэдний өөрсдийнх нь бага харж чадсан юм. Тиймээс өвдөлттэй байсан ч үүнийг хэт хувийн зүйл мэт хүлээж авахгүйг хичээж, тэд ч бас нэгэн цагт хүүхэд байсан бөгөөд аяллынхаа хаа нэгтээ сайхан сэтгэлгүй болсон, эсвэл өөрийгөө үнэлэх үнэлэмж багатайгаас, эсвэл өөрсдийгөө хамгаалахын тулд тийм болсон гэдгийг ойлгосон. Хэрэв би КҮ-д ороогүй бол тэгж мэдрэхгүй байсан байх гэж боддог. Би магадгүй уурлаж, бухимдаж, гомдож, өшөө авахыг хүсэх байсан. (Тэсвэр тэвчээрийн түүхүүд)